• Berdintasunik  gabe,  ez  dago  justiziarik

    Berdintasunik gabe, ez dago justiziarik

    Berdintasunak gizarte gisa aurrera egiten lagunduko digu, norbanakoen autonomia eta duintasuna hobetzen laguntzen du, errespetua sustatzen du eta demokrazian eta justizian aurrera egiten laguntzen digu.

    Aurten, hamar urte beteko dira Eusko Legebiltzarrean Emakume eta Gizonen arteko Berdintasun Legea onartu zenetik. Lege haren bultzadaren bidez berdintasunaren alde pausoak eman dira, baina oraindik asko dugu egiteko.

    Egun, oraindik, XXI. Mende honetan, desberdintasunak eta genero diskriminazioak gure gizarteko hainbat esparrutan dihardute. Oraindik ere askotan onartzen da gizonak emakumeak baino gehiago direla eta beraiek egiten dutena garrantzitsuagoa dela, eta hori da hainbat pertsona gazteren buruetan nagusitu den aurreiritzia. Kezkagarria da, orain arte egindako bidean atzera pausoak ematen ari garela, horregatik beharrezkoa da gizarte osoaren inplikazioa berdintasunaren alde aurrera pauso irmoak emateko eta gizarte bidezkoagoa eta berdintzaileagoa lortzeko, berdintasunik ezean, justiziarik ez dagoelako.

    Ezinbestekoa eta premiazkoa da balore aldaketa, behar dugun gizartearen eraldaketa bultzatzeko eta bideratzeko, eta behin betiko desagerrarazteko emakumeen lan diskriminazioa, horrek dakarren arrakala sozial eta ekonomikoa, lan produktiboan eta ugalketa prozesuetan ematen den lan banaketa desorekatua eta emakumeen aurkako indarkeria, hori delarik emakume eta gizonen arteko desberdintasunaren adierazpenik eta ondoriorik bortitz eta ankerrena, eta hau, emakume eta gizon guztion lana da.

    Leave a reply →

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies